Հղիություն, ծննդաբերություն
|
Հագուստը հղիության ընթացքում. մանկաբարձ-գինեկոլոգ Արմինե Խանամիրյան. morevmankan.am
![Հագուստը հղիության ընթացքում. մանկաբարձ-գինեկոլոգ Արմինե Խանամիրյան. morevmankan.am Հագուստը հղիության ընթացքում. մանկաբարձ-գինեկոլոգ Արմինե Խանամիրյան. morevmankan.am](up/article/big/file_61727_8570417.jpg)
Ինչպիսի՞ն պետք է լինի հագուստը հղիության ընթացքում։
Հղիությունը յուրահատուկ ժամանակահատված է ցանկացած կնոջ կյանքում: Հղին պետք է կրի հարմարավետ, եղանակին համապատասխանող հագուստ՝ չմոռանալով, որ այն կարող է լինել գեղեցիկ, պարզ և ժամանակակից: Այժմ կան հղիների համար նախատեսված հատուկ մասնագիտացված խանութներ, որտեղ հնարավոր է գտնել այն ամենը, ինչ անհրաժեշտ է հղիին։
Հղի կնոջ հագուստը պետք է լինի բնական կտորից, որպեսզի ամռանը շոգ չլինի, իսկ ձմռանը չսառեցնի: Արտաքին հագուստը պետք է լինի ազատ, չսեղմող հատկապես չորրորդ, հինգերորդ ամիսներից հետո, երբ հղիի մարմնի ընդհանուր ծավալն ավելանում է, որովայնի չափերը՝ մեծանում:
Ինչպիսի՞ն են պահանջները կոշիկների նկատմամբ։
Խիստ կարևոր է կոշիկի ճիշտ ընտրությունը: Այն պետք է լինի ազատ, թեթև, հարմարավետ, մինչև 3 սմ ամուր, հաստ կրունկով և անպայման բնական նյութից:
Բարձր կրունկը հարմարավետ չէ։ Դրա հետևանքով մարմնի առանցքը կարող է ենթարկվել փոփոխության, տեղաշարժման, որը կբերի ստորին վերջույթների, ողնաշարի, գոտկային մկանների գերլարվածության:
Նեղ կոշիկը կարող է պատճառ դառնալ ոտնաթաթի սեղմվածության, ինչը կարող է նպաստել այտուցների առաջացման, անոթների վնասման, իսկ հակում ունենալու դեպքում՝ որոշակի չափով նաև վարիկոզի առաջացման:
Հղիության ընթացքին զուգահեռ, երբ որովայնի չափերը ևս մեծանում են, հղիի համար դժվար է դառնում կռանալն ու կոշիկները կոճկելը, ուստի, հատկապես հղիության վերջին ամիսներին նախընտրելի է, որ կոշիկները լինեն առանց թելակապերի, ազատ, հեշտ հագնվող և հեշտ հանվող, հարմարավետ, օրինակ, այդպիսին են մարզական կոշիկների որոշ տեսակներ, որոնք բավականին թեթև են։
Հղիի համար ճիշտ չէ նաև լրիվ տափակ կոշիկներ հագնելը, որովհետև ողնաշարը երկու կորություն ունի, և տափակ կրունկները կարող են ամբողջ ողնաշարում՝ վերևից ներքև, առավելապես գոտկային հատվածում, մկանային մեծ լարվածություն առաջացնել, թեքել՝ խախտելով բնական կորությունները և առաջացնելով մարմնի առանցքի փոփոխություն: Դա հատկապես հնարավոր է դառնում հղիության վերջին ժամկետներում, երբ որովայնի չափերը բավականին մեծանում են: Կոշիկը պետք է նաև ապահով լինի ձմռանը, չսահի:
Դա կարևոր է նաև այն պատճառով, որ հղիության վերջին ժամկետներում հաճախ հնարավոր է, որ հավասարակշռության խախտում դիտվի, իսկ անկայուն, անհարմար կրունկներով ընկնելու հավանականությունն ավելի բարձր է: Անհարմար կոշիկները նաև ոտնաթաթի այտուց կարող են առաջացնել:
Մեծ ուշադրություն պետք է դարձնել զուգագուլպաներին, հատկապես ձմռանը. դրանք չպետք է շատ սեղմեն ոտքերը, որովայնը՝ բացառելու համար ոտքերի անոթների ճնշումը, արյան շրջանառության խանգարումները:
Ինչպիսի՞ն պետք է լինեն կրծկալը, ներքնազգեստը։
Շատ կարևոր է կրծկալի ընտրությունը: Պետք է ուշադրություն դարձնել այն
հանգամանքին, որ կրծկալի գոտին լինի լայն՝ ուսային լայն լարերով, որպեսզի չսեղմի և չվնասի մաշկը: Այն պետք է ընտրել կրծքերի չափերով: Կրծկալ կրելն օգնում է, որ կրծքագեղձերը հարմարավետ վիճակում լինեն:
Հղիության վերջին փուլերում՝ ծննդաբերությանը մոտ ժամկետում, կրծքագեղձերը նախապատրաստվում են կրծքով կերակրմանը. դրանք մի փոքր մեծանում են չափերով: Եվ բնական է, որ կրծկալը միշտ պետք է համապատասխանեցվի նրանց չափերին, նույնիսկ մի փոքր ավելի մեծ լինի:
Հղիության վերջին ժամկետներում, երբ կրծքագեղձերն ավելի մեծ են, պետք է կրծկալը լինի փափուկ, առանց երկաթյա մասերի: Գիշերը անհարմարություններից խուսափելու համար երբեմն կարելի է կրծկալը հանել:
Պետք է հիշել, որ հղիության ցանկացած ժամկետում ավելի հաճախ՝ վերջին շրջանում, կրծքագեղձերից լինում է կաթնախեժի արտադրություն: Պետք չէ դրանից վախենալ, բայց և այդ վիճակը ուշադրություն է պահանջում։ Անհրաժեշտ է մշակել պտուկները, կրծքագեղձերը, որպեսզի խեժը չմնա, չչորանա, վարակում և այլ խնդիրներ չառաջացնի: Ներքնազգեստը, վարտիքները, պետք է լինեն բնական կտորներից, ազատ, չսեղմեն և չճնշեն որովայնը: Պետք է ուշադիր լինել նաև անձնական հիգիենայի առումով․ ներքնազգեստը փոխել օրը 1-2 անգամ, որպեսզի որևէ վարակ չզարգանա:
Կարելի՞ է հղիության ընթացքում տաբատ կրել։
Կարելի է, եթե այն ճիշտ է ընտրված: Այստեղ էլ պահանջները նույնն են, ինչ զուգագուլպաների, ներքնազգեստի նկատմամբ: Տաբատը պետք է լինի համապատասխան չափի, հարմար և չսեղմող: Այժմ կան հղիների համար նախատեսված տաբատներ, որոնք որովայնի հատվածում ունեն հատուկ էլաստիկ ռեզիններ, որոնք ազատ են, թույլ և հղիության ժամկետի մեծացմանը զուգահեռ ձգվում են և սեղմող, ճնշող որևէ ազդեցություն չեն թողնում: Տաբատը ևս պետք է լինի բնական նյութից, որպեսզի մաշկը ազատ շնչի, և խնդիրներ չառաջանան:
Ի՞նչ պետք է ձեռնարկել, եթե սխալ հագուստ և կոշիկ կրելու հետևանքով, այնուամենայնիվ, ի հայտ են եկել լայնացած անոթներ, այտուց:
Եթե կան լայնացած անոթներ, անպայման պետք է դիմել մասնագետի, անոթային բժշկի: Համապատասխան հետազոտություններից հետո, եթե նշանակվում է համապատասխան զուգագուլպաների կրում, կանխարգելիչ և բուժական զուգագուլպաներ, դրանք պետք է կրել առավոտյան, հագնել ոտքերը չկախած վիճակում և ամբողջ օրվա ընթացքում մնալ դրանցով: Իսկ գիշերը պետք է հանել:
Որպեսզի որովայնը չկախվի, պետք է կրել բժշկի նշանակած բժշկական գոտիները, եթե ցուցում կա: Այդ ցուցումը վերաբերվում է հղիության որոշակի տիպերի, երբ որովայնի շրջագիծն ավելի մեծ է. դրանք բազմապտուղ հղիություններն են, գերջրությունը, կամ երբ կա որովայնի առաջային պատի թուլություն, ձգվածություն:
Ձեր խորհուրդը հղի կանանց։
Ապագա մայրիկը միշտ պետք է հիշի, որ հղիությունը կնոջ ամենագեղեցիկ շրջաններից մեկն է, և նա պետք է լինի հարմարավետ հագուստով՝ իհարկե չմոռանա գրավչության ու կանացիության մասին:
![](images/calendar.png)
|
Կարդացեք նաև
![Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am](up/article/small/file_63803_7926575.jpg)
Տեխնոլոգիաների զարգացումը չի շրջանցել նաև ծխախոտի արդյունաբերությունը։ Վերջին տարիներին շուկայում են հայտնվել նոր արտադրատեսակներ, որոնք, ըստ արտադրողների...
![](images/calendar.png)
![Հղիության վաղ ախտորոշում. ինչո՞ւ է դա կարևոր. morevmankan.am Հղիության վաղ ախտորոշում. ինչո՞ւ է դա կարևոր. morevmankan.am](up/article/small/file_63738_1939107.jpg)
Կանայք գիտեն, որ դաշտանի ուշացումը, սրտխառնոցը, թուլությունը, ախորժակի փոփոխությունը և այլ նշաններ ոչ միշտ են վկայում հղիության մասին: Գինեկոլոգները ինքնազգացողության այդ փոփոխությունները համարում են...
![](images/calendar.png)
![Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am](up/article/small/file_63728_1808306.jpg)
Համաձայն Հայաստանում իրականացված հետազոտությունների տվյալների, ամեն օր ծխող կանանց քանակը 2023 թվականին կազմել է 2.3%, որը բարձր ցուցանիշ չէ...
![](images/calendar.png)
![Որքա՞ն ավելի շատ պետք է ուտել հղիության ժամանակ. morevmankan.am Որքա՞ն ավելի շատ պետք է ուտել հղիության ժամանակ. morevmankan.am](up/article/small/file_63723_5599097.jpg)
Առաջին եռամսյակում Ձեզ հարկավոր չէ որևէ ավելորդ բաժին ուտել։ Երկրորդ եռամսյակում անհրաժեշտ կլինի օրական լրացուցիչ 340 կալորիա, իսկ երրորդ եռամսյակում՝ օրական շուրջ 450 կալորիա...
![](images/calendar.png)
![Ի՞նչ մթերքից պետք է խուսափել հղիության ժամանակ. morevmankan.am Ի՞նչ մթերքից պետք է խուսափել հղիության ժամանակ. morevmankan.am](up/article/small/file_63669_2155760.jpg)
Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի...
![](images/calendar.png)
![Ինչպե՞ս պահպանել ճիշտ սննդակարգը հղիության ընթացքում. morevmankan.am Ինչպե՞ս պահպանել ճիշտ սննդակարգը հղիության ընթացքում. morevmankan.am](up/article/small/file_63668_5578656.jpg)
Սրտանց շնորհավորում ենք հղիության կապակցությամբ․․․
Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում...
![](images/calendar.png)
![Ալկոհոլի օգտագործումը հղիության ընթացքում Ալկոհոլի օգտագործումը հղիության ընթացքում](up/article/small/file_63654_2958020.jpg)
Ալկոհոլի օգտագործումը շարունակում է մնալ հանրային առողջության հիմնական խնդիրներից մեկը, ինչն արդի է նաև Հայաստանում, այդ թվում նաև կանանց շրջանում: Պաշտոնական վիճակագրության համաձայն...
![](images/calendar.png)
![](images/white_bl.gif)
![](images/white_br.gif)
![](images/white_tr.gif)
![](images/white_tl.gif)
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ամուսնական առաջին գիշերը
-
Ընկերության մասին
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Պարզվում է ապագա երեխայի սեռը կախված է մայրիկի սնունդից
-
Դդում
-
Կոճապղպեղ՝ նիհարելու համար (կոճապղպեղի թեյ)
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Քարավուզ (նույն ինքը՝ նեխուր)
-
Ինչպես ազատվել բերանի վատ հոտից`պարզ միջոց
-
Դիմակներ` մազերի համար
-
Հղիություն. 1-ին ամիս
-
Կրծքի ցավե՞ր ունեք. ինչ անել
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Հիվանդություն, որի համար պետք չէ ամաչել (թութք)
-
Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հղիությունը և նախապատրաստվելը դրան
- Խոսենք այդ մասին. ձեռնաշարժություն
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Էկզեմայի տեսակները և բուժումը
-
Ուլտրաձայնային դոպլերոգրաֆիա (երկակի (դուպլեքս) անոթների)
-
ՈւՆԱԲԻ: Արևելյան բժշկության գաղտնիքները
-
Իրիդիոսքրինինգ
-
Գամմա-դանակը նշտարի փոխարեն